• User Name: Password:
Кога се загледуваме во убави,разнобојни цветни аранжмани како да искусуваме чиста емоција. Во зависност од тоа каква е бојата различно ги доживуваме емоциите,од длабоката страст на црвената роза до елегантната бела кала, бојата на цветот испраќа порака од емоции. Со векови овие емоции се испишани како симболично значење на цветниот израз. Имајте ги во предвид овие значења кога одбирате цвет за да ја пренесе соодветно пораката која сакате да ја испратите преку нив.

Црвени цветови

Испраќаат чиста и моќна порака на интензивна романтична љубов. Црвената е незаменлива боја за страст и преку било кој букет од црвени цветови,ќе комуницирате со вашата силна љубов,затоа што црвените цветови и наликуваат на срце. Црвеното значи заводливост и посакување. Црвените рози се најкористени за ваква пригода, но исто така и црвените каранфили,лалиња и гербери ќе ја пренесат пораката на љубов и страст.

Портокалови цветови

Ако некој може да ја улови и концентрира светлоста и топлината на сонцето тоа се портокаловите цветови кои нудат среќа и радост. Кога и да погледнеме во портокалов цвет веднаш ќе ја почувствуваме топлината на љубовта. Исто така ја пренесуваат и пораката за авантура и спонтаност и уживање.

Розеви цветови

Розевата боја ги комбинира невиноста,разиграноста и сензибилитетот и затоа за многу розевите цветови се најромантични и изразуваат широк спектар на љубовни чувства. Традиционално розевата боја се поврзува со женственоста и нежноста, но со време тие традиционални очекувања се менуваат и дозволуваат поширока примена на овие цветови.

Жолти цветови

Оваа боја е репрезент на другарство,пријателство,доверба, соработка и почит. Поради ова се популарен избор кога се работи за корпоративен подарок или честитка за добро завршена работа. Жолтите цветови со својот нежен тон ја изразуваат топлината на вашите чувства и ги зацврстуваат пријателските нишки.

Зелени цветови

Зеленото претставува хармонија со природата и добра среќа,симболизира балансиран живот и уживање кое води кон еластичност и живост. Зелените цветови нудат одличен спој со розеви цветови како и прекрасен контраст на други бои.

Плави цветови

Прекрасна плава боја која нуди ведрина и смирувачки ефект ја има кај ирисот и хортензијата. Тие гистбилизираат емоциите и креираат замисленост и фантазија на бранови во длабоко море и сино небо. Плавите цветови исто така зборуваат за интимност и се перфектни за долги врски кои сакаат да комуницираат со длабока доверба.

Виолетови цветови

Пријатна мека боја која е испреплетена со мистерија,симболизира шарм,грациозност,елеганција и префинетост. Виолетовата боја може да направи силен романтичен впечаток и да пренесе несекојдневна порака.

Бели цветови

Белата боја асоцира на чистина и невиност,чесност и перфекција. Белите цветови се идеални кога треба да се во комуникација елеганција и невиност. За многу белите рози се идеални за невестински бидермаери или свадбени букети затоа што се симбол за бесмртна љубов и верност.