• User Name: Password:
За да се одржи подолг периодот на траење на убавината и свежината на цветот веднаш по неговото отсекување, треба да биде сместен во вода. Во спротивно воздухот брзо ќе навлезе во ткивото и ќе ги затвори клетките, затоа цветовите кои се држат подолго време без вода , пред да се стават треба да им се отсече еден мал дел од стебленцето што ќе овозможи брзо продирање на водата низ него. Пожелно е отсекувањето да биде направено под вода за да бидеме сигурни дека воздухот нема повторно да навлезе низ стеблото. Режениот цвет во моментот на берење е одвоен од неговиот извор на храна – листовите од матичното растение. Дополнително намалувањето на храна е зголемено со внесување во просторија со намалена светлина, што исто така ја лимитира достапноста.

УПОТРЕБА НА КОНЗЕРВАНСИ – СРЕДСТВА ЗА ЧУВАЊЕ

Се користи мешавина од шеќери, средство закиселување, инхибитор на микроорганизми и респираторен инхибитор. Шеќерите служат како извор на енергија за да се надокнади загубата на истата со функцијата на листовите и овозможува да продолжи развојот и должината на цветање.
Средството за закиселување ја прави PH средината на водата слична со киселата PH средина во клеточниот сок.
Водата во повеќе случаи е алкална и може да го редуцира траењето на режаниот цвет и да ги дестабилизира пигментот и бојата на цветот. Типичен пример е кога црвените рози се претвораат во “виолетови” кога ке се стават во вода без додатоци за храна и киселост.
Инхибиција на микроорганизми е најважен дел во заштитата, бактериите се наоѓаат насекаде и се спремни да навлезат преку исечената површина на стебленцето и да се размножат. Тоа доведува до блокирање на клетките и ткивата и го спречува транспортот на вода и хранливи материи нагоре. Затоа треба секогаш добро да се исчисти вазната или садот и да се отстранат листовите кои паѓаат и гнијат во водата.
Процесот наречен зацврстување овозможува максимален проток на вода, тоа значи свежо исечените цветни стебла треба да се стават во вода која има 43,5 C (110 F), да се додадат претходните средства и да одстои во ладна просторија час или два. Тогаш настанува рапидно движење на водата во стеблото и цветовите на ниска температура губат помалку вода. За овој период додека водата се лади, стеблото,листовите и цветовите примаат исто онолку вода избалансирано како претходно кога не биле исечени.

ДРУГИ СОВЕТИ ЗА ПОДОЛГО ТРАЕЊЕ

Секојдневно да се проверува нивото на вода во садот и да се додава ако е потребно заедно со додатоците.
Да се држат садовите со цвеќе подалеку од ладен воздух или топли грејни тела ( радијатори, директна топлина, телевизор). Тоа ја зголемува загубата на вода и цветовите ја забрзуваат транспирацијата (губење вода) и респирацијата (искористување на складираната храна), што предизвикува побрз развоен процес – венеење.
Ако излегувате од дома, сместете ги цветовите во најладниот простор од вашиот дом за да се продолжи цветањето.

РЕЦЕПТИ

Може да искористите некој од овие рецепти наменети за подолго траење на цветот.
1. 2 шољи газиран лимунов пијалок (Sprite или 7-Up)
Пола лажица варикина и 2 шољи топла вода
2. 2 лажици свеж лимунов сок
1 лажица шеќер
½ м. Лажица вариќина 250ml топла вода
3. 2 лажици бел оцет 2 лажици шеќер
½ м. Лажица вариќина
250ml топла вода